Рекреол 50 гр мазь в тубе
Тауарлардың көрінісі фотосуретте көрсетілгеннен өзгеше болуы мүмкін

Рекреол 50 гр мазь в тубе

Қолжетімділігі
Тауар қолда жоқ
Үлгі
4750232000113
Елі
Латвия
Өндіруші
Гриндекс АО
  • Сипаттама

Сипаттама

Дәрілік затты медициналық қолдану жөніндегі нұсқаулық

РЕКРЕОЛ®

Саудалық атауы

РЕКРЕОЛ®

Халықаралық патенттелмеген атауы

Декспантенол

Дәрілік түрі

Сыртқа қолдануға арналған крем 50 мг/г

Құрамы

1 г кремнің құрамында

белсенді зат - декспантенол 50 мг,

қосымша заттар: DL-пантолактон; феноксиэтанол; калий цетилфосфаты; ланолин (қой майы); пропиленгликоль; стеарил спирті; цетил спирті; изопропилмиристат; тазартылған су 1 г дейін.

Сипаттамасы

Спецификалық иісі бар гамогенді ақ немесе сарғыш крем.

Фармакотерапиялық тобы

Дерматология. Жарақаттар мен ойық жараларды емдеуге арналған препараттар. Жарақаттарды жазатын басқа препараттар. Декспантенол.

АТХ коды D03AХ03

Фармакологиялық қасиеттері

Фармакокинетикасы

Сіңуі

Декспантенол теріде жылдам сіңеді, тез арадапантотен қышқылына айналады, негізінен А коферменті түрінде организм тіндеріне кеңінен таралады.

Таралуы

Дәріні жергілікті қолданғаннан кейін пантотен қышқылы шашта, шаштың түбінде, тырнақта, эпидермисте және дермада жинақталады.

Шығарылуы

Пантотен қышқылы негізінен өзгермеген түрде несеппен және ең аз дәрежеде нәжіспен шығарылады.

Фармакодинамикасы

Декспантенол тіндерде А коферментінің (CoA) құрамдас бөлігі болып табылатын пантотен қышқылына айналады және эпителий функциясын қалыпты ұстап тұруда, фибробластар пролиферациясын ұлғайтуда және жаралардың жазылу үрдісінде тері регенерациясын тездетуде демеуші рөл атқарады. Жасушалардың бөліну және терінің жаңа тіндері қалыптасуының бұл үрдісі терінің созылмалылығын қалпына келтіреді және жаралардың жазылуын көтермелейді.

Қолданылуы

- терінің беткейлік зақымдануларын емдеу үшін (шағын күйіктер мен терінің сызаттануы, сыдырылулары мен терінің жарылып кетуі), терінің қабынуы (сәулемен емдеудің әсер етуі, фототерапия немесе ультракүлгін сәулелену кезінде туындайтын).

Қолдану тәсілі және дозалары

Сыртқа қолдануға арналған.

Әдетте кремді терінің зақымданған бөлігіне күніне бір немесе бірнеше рет жұқалап жағады. Емдеу курсының ұзақтығы аурудың сипаты мен ауырлығына байланысты болады.

Декспантенол күніне біреуден бірнеше ретке дейін жергілікті қолданылады.

Бүйрек және бауыр қызметі бұзылған пациенттер

Бүйрек және бауыр қызметі бұзылған пациенттерге зерттеу жүргізілмеген. Егде жастағы пациенттер

Зерттеу егде жастағы пациенттерге (65 жас және одан асқан жастағы) жүргізілмеген.

Балаларға қолдану

Декспантенолды балаларға қолдануға болады.

Декспантенолдың жергілікті әсерлерін зерттеудің көпшілігі қысқа мерзімді, әдетте, 3-4 апта болған.

Жағымсыз әсерлері

Барлық дәрілер сияқты, бұл дәрі жағымсыз әсерлер туындатуы мүмкін, бірақ олар барлық адамда байқалмайды.

Өте сирек (10 000 адамның 1-еуінен кемінде пайда болуы мүмкін):

  • аллергиялық реакциялар,
  • терідегі аллергиялық реакциялар,
  • жанаспалы дерматит,
  • аллергиялық дерматит,
  • қышыну,
  • терінің қызаруы,
  • экзема,
  • бөртулер,
  • есекжем,
  • терінің тітіркенуі және ойық жаралары.

Аталған жағымсыз әсерлері туындағанда, сондай-ақ нұсқаулықта аталмаған жағымсыз әсерлері пайда болғанда дәрігерге қаралу қажет.

Қолдануға болмайтын жағдайлар

  • декспантенолға немесе препараттың қандай да бір қосымша затына жоғары сезімталдық;
  • декспантенол гемофилиясы бар пациенттерге, қан кетудің жоғары қаупіне байланысты, жараға қолдануға болмайды.

Егер Сізде жоғарыда аталған жағдайлардың қайсы бірі бар болса, бұл туралы препаратты қолданғанға дейін дәрігерге хабарлаңыз.

Дәрілермен өзара әрекеттесуі

Декспантенолдың өзара әрекеттесуіне зерттеу жүргізілмеген.

Өзара әрекеттесуі белгісіз. Декспантенолдың кез келген басқа дәрілермен өзара әрекеттесуіне дәлелдер жоқ.

Айрықша нұсқаулары

Декспантенолдың кездейсоқ көзге түсуін болдырмаған жөн.

Аллергиялық реакция белгілері туындаған жағдайда декспантенол қолдануды тоқтату керек.

Пациенттер, егер қолдануды бастағаннан кейін 14 күн өткен соң өздерін жақсы сезінбесе немесе нашар сезінсе, дәрігермен кеңесуі керек.

РЕКРЕОЛ® кремінің құрамында терінің тітіркенуін туындатуы мүмкін пропиленгликоль бар.

РЕКРЕОЛ® кремінің құрамында жергілікті тері реакцияларын (мысалы, жанаспалы дерматит) туындатуы мүмкін ланолин және цетил спирті болады.

Жүктілік, лактация кезеңі және фертильділік

Жүктілік

Декспантенолдың ұрпақ өрбітуге әсер ету мүмкіндігіне зерттеулер жүргізілмеген. Декспантенолды жүкті әйелдерге қолдану туралы деректер жоқ. Жануарларға жүргізілген зерттеулер ұрпақ өрбіту уыттылығына тікелей немесе жанама зиянды әсер етуін көрсетпейді.

Бала емізу кезеңі

Декспантенолдың бала емізетін әйелге жүйелік әсері елеусіз болғандықтан, емшекпен қоректеніп жүрген жаңа туған нәрестелерге/сәбилерге әсері күтілмейді. РЕКРЕОЛ® кремін бала емізу кезеңінде қолдануға болады.

Фертильділік

Декспантенолдың адам фертильділігіне әсер етуіне зерттеулер жүргізілмеген. Шарананың дамуына әсер етуі белгісіз.

Егер Сіз жүкті болсаңыз немесе бала емізіп жүрсеңіз, бұл туралы дәрігерге мәлімдеңіз.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары адамдарда болмайды. Декспантенолды шамадан тыс мөлшерде қолданған жағдайдың өзінде, оның уыттылығы төмен, және пациент денсаулығына қауіп төндіретін қолайсыз жағымсыз әсерлер туындатпайды.

Шығарылу түрі және қаптамасы

30 г немесе 50 г препараттан ішкі беткейі лакпен жабылған, мойнында қорғаныш алюминий жарғақшасы және пластмассадан жасалған бұрандалы бушонда жарғақшаны тесуге арналған конус тәрізді тетігі бар алюминий сықпада.

Сықпаны медициналық қолдану жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салады.

Сақтау шарттары

Мұздатып қатыруға болмайды! 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Тіркеу куәлігінің ұстаушысы

«Гриндекс» АҚ. Крустпилс к-сі, 53, Рига, LV-1057, Латвия

Өндіруші

«Гриндекс» АҚ, Латвия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Гриндекс» АҚ өкілдігі

ҚР, 050010, Алматы қаласы, Медеу ауданы, Достық даңғылы, №34/1 үй, 1 пәтер.

Телефон: +7 (727) 291-88-77

Факс: +7 (727) 291-13-84

Электронды пошта: grindeks.asia.kz@mail.ru