Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Сифлокс
Халықаралық патенттелмеген атауы
Ципрофлоксацин
Дәрілік түрі, дозасы
Қабықпен қапталған 500 мг таблеткалар
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Микробқа қарсы препараттар – хинолон туындылары. Фторхинолондар. Ципрофлоксацин
АТХ коды J01MA02
Қолданылуы
Препарат ципрофлоксацинге сезімтал микроорганизмдерден туындаған бірқатар инфекцияларды емдеу үшін қолданылады. Емдеуді бастамас бұрын микроорганизмдердің ципрофлоксацинге тұрақтылығы туралы қолда бар ақпаратқа ерекше назар аудару керек. Антибиотиктерді тиісінше пайдалану жөніндегі ресми нұсқауларды ескеру қажет.
Ересектер:
• Грамтеріс бактериялардан туындаған төменгі тыныс алу жолдарының инфекциялары
- өкпенің созылмалы обструктивті ауруының (ӨСОА) асқынуы. Ципрофлоксацинді (ӨСОА) асқынған кезде мұндай инфекцияларды емдеу үшін әдетте ұсынылатын басқа бактерияға қарсы құралдарды қолдану орынсыз деп есептелетін жағдайда ғана қолдану керек.
- муковисцидоз (кистозды фиброз) немесе бронхоэктаза кезіндегі бронх-өкпе инфекциялары
- пневмония
• Созылмалы іріңді ортаңғы отит
• Әсіресе грамтеріс бактериялардан туындаса, созылмалы синуситтің өршуі
• Қатерлі сыртқы отит
• Несеп шығару жолдарының инфекциялары
- асқынбаған жедел цистит. Асқынбаған жедел цистит кезінде Ципрофлоксацинді әдетте осындай инфекцияларды емдеу үшін ұсынылатын бактерияға қарсы басқа дәрілер мақсатқа сай емес деп саналған жағдайда ғана қолдану керек
- несеп шығару жолдарының асқынған инфекциялары
- жедел пиелонефрит
- бактериялық простатит
• Құрсақішілік инфекциялар
• Грамтеріс бактериялардан туындаған тері және жұмсақ тіндердің инфекциялары
• Сүйек пен буындардың инфекциялары
• Neisseria meningitidis тудырған инвазивті инфекциялар профилактикасы
• Сібір ойық жарасының өкпедегі түрін емдеу және жанасудан кейінгі профилактикасы
• Бактериялық инфекциядан туындағанына күдіктенген жағдайда нейтропениясы және қызбасы бар пациенттерді емдеу
Балалар мен жасөспірімдер:
• Pseudomonas aeruginosa тудырған муковисцидоз кезіндегі бронхөкпе инфекциясы
• Несеп шығару жолдарының асқынған инфекциялары және жедел пиелонефрит
• Сібір ойық жарасының өкпедегі түрін емдеу және жанасудан кейінгі профилактикасы
• Қажет деп саналған жағдайда балалар мен жасөспірімдерде ауыр инфекцияларды емдеу
Емді балалар мен жасөспірімдерде муковисцидоз және/немесе ауыр инфекцияларды емдеу тәжірибесі бар дәрігерлер ғана тағайындау керек
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа, басқа хинолондарға немесе 6.1 бөлімінде атап көрсетілген қосымша заттардың кез келгеніне аса жоғары сезімталдық
- ципрофлоксацин мен тизанидинді бірге қолдану
- жүктілік және бала емізу кезеңі
Қолданған кездегі қажетті сақтандыру шаралары
Ципрофлоксацинді құрамында хинолондар мен фторхинолондар бар препараттарды қабылдау кезінде бұрын елеулі жағымсыз реакциялары болған пациенттерде қолданудан аулақ болу керек. Мұндай пациенттерді ципрофлоксацинмен емдеуді баламалы емдеу әдістері болмаған жағдайда және "пайда/зияны" мұқият бағаланғаннан кейін ғана бастаған жөн.
Эпидемиологиялық зерттеулер барысында әсіресе егде жастағы пациенттерде фторхинолондарды қабылдағаннан кейін қолқаның аневризмасы мен қолқаның қатпарлануының жоғары қаупі туралы айтылды.
Осылайша, аневризма бойынша оң отбасылық анамнезі бар пациенттерде немесе анамнезінде аортаның аневризмасы және/немесе аорта қатпарлануы анықталған немесе басқа қауіп факторлары болғанда немесе аортаның аневризмасы немесе аорта қатпарлануы туындауына бейімдейтін жай-күйлері барпациенттерде (мысалы: Марфан синдромы, тамырлық типті Элерс-Данло синдромы, Такаясу артерииті, алып жасушалы артериит, Бехчет ауруы, гипертензия, анықталған атеросклероз) фторхинолондарды тек пайда-қауіп арақатынасын мұқият бағалаудан кейін және басқа емдеуәдістерін зейін қойып қараудан соң ғана қолдану керек.
Іш, кеуде немесе арқаның кенет ауыруы білінген жағдайда пациенттер дереу қарқынды емдеу бөліміндегі дәрігерге қаралу керек.
Тендинит пен сіңірдің үзілуін, шеткері нейропатияны және орталық жүйке жүйесіне әсерін қоса алғанда, еңбек қабілетінен айрылу және әлеуетті қайтымсыз елеулі жағымсыз дәрілік реакциялар
Құрамында фторхинолондар/хинолондар бар антибактериялық дәрілерді, Сифлокс препаратын қоса, еңбек қабілетін жоғалтумен және ықтимал қайтымсыз күрделі жағымсыз дәрілік реакциялармен байланыстырады.
Кең таралған дәрілік реакцияларға сүйек-бұлшықет жүйесіне және шеткері нерв жүйесіне (тендинит, сіңірдің үзілуі, ісіну немесе қабыну, шаншу немесе сіңірдің ұюы, қол мен аяқтың ұюы, бұлшық еттердің ауыруы, бұлшық еттің әлсіздігі, буындардың ауыруы, буындардың ісінуі және басқалар), артралгия, миалгия, шеткері нейропатия және орталық жүйке жүйесіне (елестеулер, үрей, депрессия, суицидке бейімділік, ұйқысыздық, ауыр бас ауруы және сананың шатасуы) әсері жатады.Бұл реакциялар Сифлокс препаратын қабылдау басталғаннан кейін бірнеше сағат немесе апта шегінде пайда болуы мүмкін. Бұл реакциялар туралы жасына және анамнездегі қауіп факторларына қарамастан хабарланған.
Қандай да бір елеулі жағымсыз реакциялардың алғашқы белгілері немесе симптомдары пайда болған кезде Сифлокс препаратын қабылдауды дереу тоқтату қажет. Сонымен қатар, фторхинолондарды қолдануға байланысты осы ауыр жағымсыз реакциялардың қандай да бір түрі байқалатын пациенттер Сифлокс препаратын қоса, фторхинолондарды қолданудан аулақ болу керек.
Созылмалы бронхит, созылмалы синусит, созылмалы іріңді ортаңғы отит, қатерлі сыртқы отит және несеп шығару жолдарының асқынбаған инфекциялары
Сифлокс препараты этиологиясы бактериялық созылмалы бронхиттің өршуінде, созылмалы синуситтің өршуі, созылмалы іріңді ортаңғы отит, сыртқы қатерлі отит және несеп шығару жолдарының асқынбаған инфекциялары кезінде, басқа емдеу әдістері сәтсіз болса ғана қолданылуы мүмкін.Бұдан басқа, несеп шығару жолдарының инфекциялары жағдайында сезімталдық антибиотикограмма арқылы көрсетілуі мүмкін.
| Қолданылуы
| Тәуліктік дозамг
| Жалпы емдеу ұзақтығы (ципрофлоксацинмен бастапқы парентеральді емдеуді қосқанда) | |
| Төменгі тыныс алу жолдарының инфекциялары- Өкпенің созылмалы обструктивті ауруының асқынуы | күніне екі рет 500 мг-ден күніне екі рет 750 мг-ге дейін | 7 күннен 14 күнге дейін | |
| Жоғарғы тыныс алу жолдарының инфекциялары | Созылмалы синуситтің өршуі | күніне екі рет 500 мг-ден күніне екі рет 750 мг-ге дейін | 7 күннен 14 күнге дейін |
| Созылмалы іріңді ортаңғы отит | күніне екі рет 500 мг-ден күніне екі рет 750 мг-ге дейін | 7 күннен 14 күнге дейін | |
| Қатерлі сыртқы отит | күніне екі рет 750 мг | 28 күннен 3 айға дейін | |
| Несеп шығару жолдарының асқынбаған инфекциялары | күніне екі рет 250 мг-ден күніне екі рет 500 мг дейін | 3 күн | |
| Әйелдерде менопауза алды кезеңінде 500 мг құрайтын бір реттік доза қолданылуы мүмкін | |||
Грамоң немесе анаэробты патогендерден туындаған ауыр инфекциялар және аралас инфекциялар
Ципрофлоксацинмен монотерапия ауыр инфекцияларды және грамоң немесе анаэробты патогенді микроорганизмдерден туындауы мүмкін инфекцияларды емдеуде жарамсыз. Мұндай инфекциялар кезінде ципрофлоксацинді басқа да тиісті антибактериялықдәрілермен бірге қолдану қажет.
Стрептококкты инфекциялар (Streptococcus pneumoniae қоса)
Тиімділігі жеткіліксіз болуына байланысты стрептококкты инфекцияларды емдеу үшін ципрофлоксацин қабылдау ұсынылмайды.
Жыныс жолдарының инфекциялары
Гонококктық уретрит, цервицит, эпидидимоорхит және кіші жамбас мүшелерінің қабыну аурулары фторхинолондарына төзімді Neisseria gonorrheae изоляттардан туындауы мүмкін.
Осылайша, Сифлокс препаратын гонококктық уретритті немесе цервицитті емдеу кезінде ципрофлоксацинге Neisseria gonorrheae төзімділігін жоққа шығарған жағдайда ғана қолдану қажет.
Эпидидимоорхит және кіші жамбас мүшелерінің қабыну аурулары кезінде ципрофлоксацинге Neisseria gonorrheae төзімділігін жоққа шығаруға болмайтын жағдайда ғана эмпирикалық ципрофлоксацинді басқа да бактерияға қарсы дәрілермен (мысалы, цефалоспорин) біріктіріп қарау қажет. Емдеудің үш күнінен кейін клиникалық жақсарту болмаған жағдайда емді қайта қарау қажет.
Несеп шығару жолдарының инфекциялары
Escherichia coli фторхинолондарға төзімділігі-несеп шығару жолдарының инфекцияларынақатысты ең көп таралған патогенді микроорганизмдер-географиялық аймаққа байланысты өзгереді. Емдеуді тағайындаған дәрігерлерге фторхинолондарға Escherichia coli тұрақтылығының жергілікті таралуын назарға алу ұсынылады.
Ципрофлоксациннің бір реттік дозасын менопауза алды кезеңіндегі әйелдерде асқынбаған цистит кезінде қолдану емнің ұзақ кезеңімен салыстырғанда тиімділігі аз болуына байланыстылығы болжанады. Бұл оның үстіне фторхинолондарға Escherichia coli тұрақтылығының өсу деңгейіне қатысты назарға алынады.
Интраабдоминальді инфекциялар
Операциядан кейінгі интраабдоминальді инфекцияларды емдеу кезінде ципрофлоксациннің тиімділігі бойынша шектеулі деректер бар.
Саяхатшылар диареясы
Ципрофлоксацинді таңдау кезінде баратын елдердегі тиісті патогенді микроорганизмдердің ципрофлоксацинге тұрақтылығы жөніндегі ақпаратты назарға алу қажет.
Сүйек және буын инфекциялары
Ципрофлоксацинді микробиологиялық құжаттамада ұсынылған нәтижелерге байланысты басқа микробқа қарсы заттармен бірге қолдану қажет.
Сібір ойық жарасының өкпедегі түрі
Адамдарда қолдану зертханалық жағдайларда (in vitro) сезімталдық жөніндегі деректерге және адамдарға қатысты шектеулі деректермен бірге жануарларға жүргізілетін эксперименттердің деректеріне негізделеді. Емдеуші дәрігерлерге сібір ойық жарасын емдеуге қатысты мемлекеттік және / немесе халықаралық келісілген құжаттарға жүгіну қажет.
Балалар популяциясы
Балалар мен жасөспірімдерде ципрофлоксацинді қолданған кезде қолжетімді ресми нұсқаулықты басшылыққа алу қажет. Ципрофлоксацинмен емдеуді балалар мен жасөспірімдерде муковисцидоз және/немесе ауыр инфекцияларды емдеу тәжірибесі бар дәрігерлер ғана бастауы тиіс.
Ципрофлоксацин жетілмеген жануарларда тірек буындарының артропатиясын туындататыны көрсетілді. Балаларда ципрофлоксацинді қолдану бойынша рандомизацияланған салыстырмалы жасырын зерттеу барысында алынған қауіпсіздік жөніндегі деректер (ципрофлоксацин: n=335, орташа жас = 6.3 жас; салыстыру препараттары: n =349, орташа жас = 6.2 жас; жас ауқымы = 1-ден 17 жасқа дейін) дәрілік препаратты қолданумен байланысты (буынға байланысты клиникалық белгілер мен симптомдар бойынша анықталған), +42 күні (7.2% және 4.6%) күдікті артропатияның туындау жиілігін анықтады. Тиісінше, дәрілік препаратты қолдануға байланысты артропатияның туындау жиілігі келесі бақылаудың 1 жыл ішінде 9.0% және 5.7% құрады. Дәрілік препаратты қолдануға байланысты күдікті артропатия жағдайларының артуы біраз уақыттан кейін топтар арасында статистикалық маңызды болған жоқ. Емді буындармен және/немесе қоршаған тінмен байланысты ықтималды жағымсыз құбылыстардың туындау себебі бойынша пайда мен қауіп арақатынасын мұқият бағалағаннан кейін ғана бастау қажет.
Муковисцидоз (кистозды фиброз) кезіндегі бронхөкпе инфекциялары
Клиникалық сынақтарға 5-17 жастағы балалар мен жасөспірімдер енгізілді. 1-ден 5 жасқа дейінгі балаларды емдеуге қатысты шектеулі тәжірибе бар.
Несеп шығару жолдарының асқынған инфекциялары және пиелонефрит
Несеп шығару жолдарының инфекцияларын ципрофлоксацинмен емдеуді басқа емдеу әдістерін қолдануға болмайтын жағдайда ғана қарау қажет және ол микробиологиялық құжаттамада ұсынылған нәтижелерге негізделуі тиіс. Клиникалық сынақтарға 1-17 жастағы балалар мен жасөспірімдер енгізілді.
Басқа ерекше ауыр инфекциялар
Басқа да ауыр инфекциялар ресми нұсқаулыққа сәйкес немесе пайда мен қауіп арақатынасын мұқият бағалағаннан кейін, егер емдеудің басқа әдістерін қолдануға болмайтын жағдайда немесе әдеттегі емнің сәтсіздігінен кейін және егер микробиологиялық құжаттаманың көмегімен ципрофлоксацинді қолдануды негіздеуге болатын болса.
Ципрофлоксацинді, жоғарыда аталғандардан ерекшеленетіні, ерекше ауыр инфекциялар кезінде клиникалық сынақтар барысында бағаланбаған және клиникалық тәжірибе шектеулі болып табылады.Демек, осы инфекциялары бар пациенттерді емдеуде сақ болу ұсынылады.
Аса жоғары сезімталдық
Аса жоғары сезімталдық және аллергиялық реакциялар, анафилаксияны және анафилактоидты реакцияларды қоса алғанда, бір реттік дозаны қолданғаннан кейін пайда болуы мүмкін және өмірге қауіп төндіруі мүмкін.
Мұндай реакциялар пайда болған кезде Сифлокс препаратын қабылдауды тоқтату қажет, тиісті медициналық емдеу талап етіледі.
Еңбек қабілетін жоғалтуға апаратын ұзақ және әлеуетті қайтымсыз күрделі жағымсыз дәрілік реакциялар
Өте сирек жағдайларда олардың жасына және бар қауіп факторларына қарамастан хинолондар мен фторхинолондар қабылдаған пациенттерде дамыған организмнің әртүрлі, кейде бірнеше жүйелерін (сүйек-бұлшықет, жүйке жүйелері, психика және сезім мүшелері) зақымдайтын еңбек қабілетін жоғалтуға және әлеуетті қайтымсыз күрделі жағымсыз реакцияларға әкелетін ұзақ (ұзақтығы бірнеше ай немесе жыл) күрделі жағымсыз реакциялар туралы хабарланған. Сифлокс кез келген күрделі жағымсыз реакцияның алғашқы симптомдары мен белгілері пайда болған кезде дереу тоқтатылуы тиіс және пациенттерге дереу дәрілік препаратты тағайындаған дәрігерге бару керектігін ескерту қажет.
Қаңқа-бұлшықет жүйесі
Анамнезінде хинолондарды емдеуге байланысты сіңір тарапынан аурулары/бұзылулары бар пациенттерге көп жағдайда Сифлокс препаратын қолдануға болмайды. Сонда да, өте сирек жағдайларда патогендік микроорганизмдерге микробиологиялық құжат жасалғаннан кейін және қаупі мен пайдасының арақатынасына бағалау жүргізілгеннен кейін Сифлокс препараты бұл пациенттерге белгілі бір ауыр инфекцияларды емдегенде, әсіресе стандартты ем сәтсіз болған немесе бактериялар төзімді болған жағдайда микробиологиялық тексеру жүзінде ципрофлоксацин қолданылуын негіздеу шартымен тағайындауға болады.
Кейде екіжақты тендинит және сіңірдің үзілуі (әсіресе, бірақ тек ахиллесов сіңірі ғана емес) Сифлокс препаратымен немесе басқа да хинолондармен/ фторхинолондармен емдеудің алғашқы 48 сағаты ішінде туындауы мүмкін және емдеуді тоқтатқаннан кейін бірнеше айдан кейін де туындағаны туралы хабарланған. Егде жастағы пациенттерде, бүйрек жеткіліксіздігі бар пациенттерде, тұтас ағзалардың трансплантаттары бар пациенттерде және кортикостероидтармен бір мезгілде ем алатын пациенттерде тендиниттің дамуы және сіңірдің үзілуі қаупі жоғары. Сондықтан кортикостероидтарды бірге қолданудан аулақ болу керек.
Тендинит дамуының алғашқы белгілері кезінде (мысалы, ауыртып ісіну, қабыну) ципрофлоксацинмен емдеуді тоқтату және баламалы емдеу туралы шешім қабылдау қажет. Зақымданған аяқ-қолдың тиісті емін тағайындау қажет (иммобилизацияны қоса).
Миастениясы бар емделушілер (Myasthenia gravis)
Ципрофлоксацин Myasthenia gravis бар пациенттерде сақтықпен қолданылуы тиіс, себебі симптомдар асқынуы мүмкін
Көру тарапынан бұзылулар
Егер көру бұзылса немесе көзге қандай да бір әсер байқалса, дереу окулистке жүгіну қажет.
Фотосезімталдық
Ципрофлоксацин фотосезімталдық реакциясын туындататыны көрсетілді. Ципрофлоксацинді қабылдайтын пациенттерге емдеу кезінде елеулі күн сәулесінің тікелей әсерінен немесе ультракүлгін сәулеленуден аулақ болу қажет.
Құрысулар
Ципрофлоксацин, басқа да хинолондар сияқты, эпилепсиялық ұстамаларды тудырады немесе құрысуға дайындық шегін төмендетеді.
Эпилепсиялық статус жағдайлары туралы хабарланған. Сифлокс препаратын ОЖЖ тарапынан бұзылулар себебінен эпилепсиялық ұстамаларға бейім пациенттерде сақтықпен қолдану қажет. Эпилепсиялық ұстамалар пайда болған кезде Сифлокс препаратын қабылдауды тоқтату қажет.
Шеткері нейропатия
Ципрофлоксацин қабылдайтын пациенттерде парестезияға, гипестезияға, дизестезияға немесе әлсіздікке әкелетін сенсорлық немесе сенсомоторлық полинейропатия жағдайлары туралы хабарланған.Сифлокс қабылдайтын пациенттерге ауырсынуды, күюді, шаншуды, ұюды және/немесе әлсіздікті қоса алғанда нейропатия симптомдары пайда болса, емді жалғастырғанға дейін қайтымсыз жағдайдың дамуын болдырмау үшін дәрігерге хабарлауды ескерту қажет.
Психикалық реакциялар ципрофлоксацинді бірінші қолданғаннан кейін де пайда болуы мүмкін. Сирек жағдайларда депрессия немесе психоз өзіне-өзі суицидке ұмтылуға немесе өзіне-өзі қол жұмсауға әкеп соқтыра отырып, суицидтік идеяларға/ойға дейін өршуі мүмкін. Осындай жағдайлар туындаған кезде Сифлокс препаратын қабылдауды тоқтату қажет.
Жүрек тарапынан бұзылулар
QT аралығының ұзару синдромын/екі бағытты қарыншалық тахикардия туындатуы мүмкін дәрілік препараттармен бірге қолдану QT аралығының ұзару синдромын немесе екі бағытты қарыншалық тахикардия туындау қаупін арттыруы мүмкін. Осылайша, бұл дәрілік препаратты осыған ұқсас дәрілік препараттармен бірге қолдануға болмайды.
Ципрофлоксацинді қоса, QT аралығының ұзаруы анықталған төмендегілер сияқты қауіп факторлары бар пациенттерде фторхинолондар қолдануда сақ болу керек:
QT аралығын ұзартатын өзінің қасиеттерімен белгілі дәрілік препараттарды бірге қолдану(мысалы, 1А және III класты аритмияға қарсы дәрілер, трициклді антидепрессанттар, макролидтер, антипсихоздық дәрілер).
Егде жастағы пациенттер мен әйелдер QT аралығынұзартатын дәрілік заттарға аса сезімтал болып келуі мүмкін. Сондықтан, осы жерде ципрофлоксацинді қоса, фторхинолондар қолдану кезінде аталған топ пациенттерінде сақтық таныту керек.
Дикгликемия
Барлық хинолондар сияқты, әдетте ішілетін гипогликемиялық дәрімен (мысалы, глибенкламидпен) немесе инсулинмен бірге ем қабылдайтын диабеті бар егде пациенттерде қандағы глюкоза деңгейінің бұзылғандығы туралы хабарланған. Гипогликемиялық кома жағдайлары туралы айтылды. Қант диабетімен ауыратын науқастарда қандағы глюкоза деңгейіне мұқият мониторинг жүргізу ұсынылады.
Асқазан-ішек жолы.
Емдеу үдерісінде немесе ол біткеннен кейін жедел және созылмалы диареяның дамуы (емнен кейінгі бірнеше аптаны қоса) шұғыл емдеуді талап ететін антибиотикпен байланысты колитті (өліммен аяқталуы мүмкін қатерлі ахуал) айғақтауы мүмкін. Аталған жағдайларда Сифлокс препаратын қабылдауды дереу тоқтатып, талапқа сай емді бастау керек. Мұндай жағдайда перистальтиканы бәсеңдететін препараттарды қолдануға болмайды.
Бүйрек және несеп шығару жүйесі
Ципрофлоксацин қолдануға байланысты кристаллурия туралы мәлімделді.
Ципрофлоксацин қабылдайтын пациенттерге жеткілікті түрде сұйықтық қабылдау керек, сондай-ақ несептің шамадан тыс сілтілі болуынан аулақ болу керек.
Бүйрек функциясының бұзылуы
Сифлокс препараты елеулі дәрежеде бүйрек арқылы бөлініп шығатындықтан, бүйрек функциясы бұзылған пациенттерде ципрофлоксациннің жиналып қалуына орай, дәрілік жағымсыз реакциялар артуынан аулақ болу үшін дозаны түзету талап етіледі. Бүйрек функциясы төмендеуі анықталуынан егде жастағы пациенттерде сақ болу керек. Бүйрек функциясы бұзылған пациенттерде, сондай-ақ бауыр функциясы бұзылған пациенттерде де доза төмендетуді қарастыру керек.
Гепатобилиарлық жүйе
Ципрофлоксацин қолдану кезіндегі бауыр некрозының және өмірге қатерлі бауыр жеткіліксіздігінің даму жағдайлары хабарланды. Бауыр ауруының қандай да бір белгілері мен симптомдары (анорексия, сарғаю, несептің күңгірттенуі, тері қышынуы немесе саусақпен басуда іштің ауыруы сияқты ) білінген жағдайда емді тоқтату керек.
Глюкозо-6-фосфатдегидрогеназа тапшылығы
Глюкоза-6-фосфатдегидрогеназа тапшылығы бар пациенттерде ципрофлоксацин қолдану кезіндегі гемолиздік реакциялар жағдайлары хабарланды. Потенциальді пайдасы болжамды қауіптен артық болатын жағдайлардан басқа, мұндай пациенттердеципрофлоксацин қолданудан аулақ болу керек. Осы жағдайда гемолиздің даму мүмкіндігін бақылау керек.
Төзімділігі
Ципрофлоксацинмен емдеу барысында немесе курс аяқталғаннан кейінципрофлоксацинге төзімділігін көріністейтін бактериялар клиникалық тұрғыда айқын асқын инфекция болғанда немесе болмағанда оқшауланған болып шығуы мүмкін. Ұзақ емдеу барысында және ауруханаішілік инфекцияларды емдегенде және/немесе Staphylococcus жәнеPseudomonas бактерияларынан туындаған инфекцияларды емдегенде ципрофлоксацинге төзімді бакетриялардың айрықша қаупі болуы мүмкін.
P450 цитохромы
Ципрофлоксацин CYP1A2 тежейді және сол арқылы ол қан сарысуында осы фермент көмегімен метаболизденетін, бір мезгілде қабылданған заттардың (мысалы, теофиллин, клозапин, оланзапин, ропинирол, тизанидин, дулоксетин, агомелатин) концентрациясын жоғарылатуы мүмкін. Сол себепті бұл заттарды ципрофлоксацинмен бір мезгілде қабылдайтын пациенттер артық дозаланудың клиникалық симптомдарының білінуіне мұқият бақылануы тиіс, олардың (мысалы, теофиллин) қан сарысуындағы концентрацияларын анықтауталап етілуі тиіс. Тизанидин менципрофлоксинді бір мезгілде қолдану қарсы көрсетілімді.
Метотрексат
Метотрексат пен ципрофлоксацинді бір мезгілде қолдану ұсынылмайды.
Зертхана сынақтары нәтижелеріне әсері
Mycobacterium tuberculosis қатысты зертханалық жағдайлардағы ципрофлоксациннің белсенділігі (in vitro) қазіргі уақытта ципрофлоксацинді қабылдайтын пациенттердің үлгілерінен бактериологиялық талдаудың жалған теріс нәтижелерін алуға әкелуі мүмкін.