Снуп 0,1% 15 мл спрей назальный

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Снуп^®

Халықаралық патенттелмеген атауы

Ксилометазолин

Дозалануы, дәрілік түрі

0,05 % және 0,1 %, мұрынға арналған спрей

Фармакотерапиялық тобы

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Ксилометазолин.

АТХ коды R01АА07

Қолданылуы

Симптомдарды жеңілдету үшін мұрынның ісінуіне қарсы дәрі ретінде:

• жедел аллергиялық ринитте
• суық тиюді немесе тұмауды қоса жоғары тыныс алу жолдарының инфекциялары кезіндегі ринит
• мұрын маңы қойнаулары қабынғанда, сондай-ақ салқын тигеннен болған ауруларда ортаңғы құлақтың катаральді қабынуында секреттің ағынын жақсарту үшін.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• белсенді затына немесе препараттың кез келген басқа компонентіне аса жоғары сезімталдық
• атрофиялық ринит
• транссфеноидальді гипофизэктомиядан немесе қатты ми қабығына қатысты басқа да хирургиялық араласымдардан кейінгі жағдайлар, соның ішінде анамнезінде болса

Снуп^®, 0,05% мұрынға арналған спрей

• 2 жасқа дейінгі балаларға
• 12 жасқа дейінгі балаларға.
• МАО тежегіштерін немесе артериялық қысымды арттыруға қабілетті басқа дәрілік заттарды қабылдап жүрген пациенттерде
• көзішілік қысым жоғарылағанда (жабық бұрышты глаукома кезінде)
• жүрек-қантамыр жүйесінің ауыр сипатты ауруларында (мысалы, жүректің коронарлық ауруы, гипертензия)
• феохромоцитомада
• метаболизмдік бұзылуларда (мысалы, гипертиреоидоз, қант диабеті)
• порфирияда
• қуықасты безінің гипертрофиясында.

Снуп^®, 0,1% мұрынға арналған спрей

Қолдану кезіндегі қажетті сақтық шаралары

Снуп^® келесі жағдайларда тек пайда/қауіп арақатынасын мұқият бағалудан кейін ғана пайдаланылуы тиіс:

Препараттың ұсынылған тәуліктік дозасынан асырмаған жөн. Снуп^® дәрігердің кеңесінсіз 7 күннен артық қолданылмауы тиіс. Бірнеше күн үзіліс жасағаннан кейін ғана қайталап қолданылуы мүмкін.

Созылмалы риниті бар пациенттер препаратты, мұрынның шырышты қабығының атрофиясының пайда болу қаупіне байланысты, тек дәрігердің бақылауымен ғана қолдана алады.

Ксилометазолин қабылдайтын QT аралығы ұзару синдромы бар пациенттер күрделі қарыншалық аритмиялардың жоғары қаупіне бейім болуы мүмкін.

Ұзақ уақыт қолданғанда және/немесе артық дозаланғанда мұрынның шырышты қабығының реактивті гиперемиясы пайда болуы мүмкін, ол тыныс жолдарының тарылуына әкеледі («рикошет» феномені). Мұның салдары ретінде созылмалы дәрі-дәрмектік риниттің дамуы болып табылады, бұл мұрынның шырышты қабығының атрофиясына әкеп соғуы мүмкін.

Басқа дәрілік препараттармен өзара әрекеттесуі

Снуп^® препаратын, трициклдік антидепрессанттарды, транилципроминді типті моноаминооксидаза (МАО) тежегіштерін немесе гипертензияны туындататын басқа да дәрілік заттарды бір мезгілде қолдану артериялық қысымның жоғарылауына әкеледі. Снуп^® препаратын осы препараттармен бірге қолданбаған дұрыс.

Арнайы ескертулер

Балаларда қолдану

Балалардағы емдеу ұзақтығын дәрігер белгілейді.

Жүктілік және лактация кезінде қолдану

Снуп^® препаратын жүктілік кезінде пайда/қауіп арақатынасын мұқият бағалап алып қана қолданған жөн. Артық дозалану шарананың қанмен қамтамасыз етілуін бұзуы мүмкін болғандықтан, жүктілік кезінде доза препараттың ұсынылған дозасынан аспауы тиіс.

Ксилометазолиннің емшек сүтіне бөлінуі туралы деректер жоқ, сондықтан лактация кезінде пайда/қауіп арақатынасын мұқият бағалаудан кейін ғана ксилометазолинді қолданады. Лактация кезінде ұсынылған дозадан асырмау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дозалау режимі қадағаланса әсер етпейді.

Қолдану жөніндегі нұсқаулар

Дозалау режимі

Снуп^®, 0,05 % мұрынға арналған спрей

2 жастан 12 жасқа дейінгі балаларға – әрбір мұрын қуысына күніне үш ретке дейін 1 бүрку.

Снуп^®, 0,1 % мұрынға арналған спрей

Ересектер мен 12 жастан асқан балаларға – әрбір мұрын қуысына күніне үш ретке дейін 1 бүрку.

Енгізу жолы және тәсілі

Снуп^® мұрынға қолдануға арналған.

Алғаш қолданудың алдында біркелкі «тұман» бұлты пайда болғанша, бүрку құрылғысының қапсырмасын бірнеше рет басу керек. Препараты бар құты қолдануға одан әрі дайын. Егер спрей 3 күннен аса қолданылмаса, бүркудің осы іс-әрекеттерін қайталау керек.

Бүрку құрылғысын пайдаланғаннан кейін жақсылып сүртіп, қорғаныш қалпақшасымен құтыны жабу керек.

Гигиеналық тұрғыдан және инфекция таралуын болдырмас үшін әр құты әр адамға жекелей пайдаланылуы тиіс.

Қабылдау уақыты көрсетілген қолдану жиілігі

Препаратты күніне 3 реттен жиі қолданбаған жөн.

Қолдану ұзақтығы

Емдеу курсының ұзақтығы 7 күннен аспауы тиіс.

Препаратпен ем аяқталғаннан кейін тек бірнеше күннен кейін ғана қайталап тағайындауға болады. Балаларға қолданудың ұзақтығын дәрігермен кеңесу керек. Созылмалы ринит жағдайында Снуп^®, 0,05 % және 0,1 % мұрынға арналған спрей препаратын мұрын шырышты қабығы атрофиясы қаупін ескере отырып, тек дәрігердің бақылауымен ғана қолдануға болады.

Балаларда қолдану

Снуп^®, 0,05 % мұрынға арналған спрей 2-ден 12 жасқа дейінгі балаларға қолдануға арналған. Жаңа туған нәрестелерге, 2 жасқа дейінгі сәбилер мен кішкентай балаларға қолдануға болмайды.

Снуп^®, 0,1 % мұрынға арналған спрей 12 жастан бастап балаларға және ересектерге қолдануға арналған. 12 жасқа дейінгі балаларға қолдануға болмайды.

Артық дозаланған жағдайда қабылдануы қажет шаралар

Симптомдары: препараттың артық дозалануы кезінде клиникалық көрінісі орталық жүйке жүйесінің қозу фазаларының (мазасыздық, қозу, елестеулер, құрысулар) орталық жүйке жүйесінің бәсеңдету фазаларымен (дене температурасының төмендеуі, енжарлық, ұйқышылдық, кома) кезектесуін көріністейді. Сонымен қатар мынадай симптомдар туындауы мүмкін: миоз, мидриаз, қатты терлеу, дене температурасының жоғарылауы, бозаруы, цианоз, жүректің айнуы және құсу, тахикардия, брадикардия, жүрек аритмиясы, жүректің тоқтап қалуы, жүректің қағуы, артериялық қысымның жоғарылауы, артериялық қысымның шокқа дейінгі төмендеуі, өкпенің ісінуі, тыныс алудың бәсеңдеуі және апноэ, психогендік бұзылыстар.

Артық дозалану кезінде балаларда басым түрде құрысу, кома және брадикардиямен орталық әсерлері, апноэ, сондай-ақ соңынан гипотония жалғасатын артериялық қысымның жоғарылауы байқалады.

Емі: симптоматикалық, дәрігердің бақылауымен.

Препаратты кездейсоқ ішке қабылдап қойған кезде – белсендірілген көмір енгізу, асқазанды шаю.

Ауыр артық дозалану кезінде стационарда қарқынды ем жүргізу тағайындалады. Күрделі жағдайларда артериялық қысымды төмендету үшін селективті емес альфа-адреноблокаторлар, қызуды түсіретін дәрілер, интубация және өкпені жасанды желдету қолданылуы мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер Сізде осы препаратты қолдану бойынша қосымша сұрақтар туындаса, дәрігерге немесе мейірбикеге кеңес алу үшін хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз дәрілік реакциялардың туындау жиілігі ДДҰ жіктеуіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000 аз), жиілігі белгісіз (қолда бар деректер бойынша анықтау мүмкін емес).

Жиі (> 1/100-ден < 1/10-ға дейін)

• мұрын шырышты қабығының күйдіріп ашытуы және құрғауы, түшкіру
• гиперсекреция
• жиі және ұзақ қолданған кезде мұрынның шырышты қабығының қайтымды ісінуі (реактивті гиперемия), мұрыннан қан кету
• аллергиялық реакциялар (ангионевроздық ісіну, қышыну, тері бөртпелер)
• жүрек қағысын сезіну, тахикардия, артериялық қысымның жоғарылауы
• аритмия
• бас ауыру, шаршау, ұйқышылдық немесе ұйқысыздық, мазасыздық, седативті әсер, құрысулар және елестеулер (көбіне балаларда), көрудің өтпелі бұзылуы
• апноэ (жасы кіші балаларда және жаңа туған нәрестелерде)

Жиі емес (> 1/1000-нан < 1/100-ге дейін)

Сирек (> 1/10000-нан < 1/1000-ға дейін)

Өте сирек (< 1/10000)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 мл спрейдің құрамында

белсенді зат - ксилометазолин гидрохлориді, 0,05 г немесе 0,1 г,

қосымша заттар: калий дигидрофосфаты, теңіз суы, тазартылған су.

Сыртқы түрінің, иісінің, дәмінің сипаттамасы

Мөлдір түссіз ерітінді.

Сақтау мерзімі

5 жыл

Құты алғаш ашылғаннан кейінгі сақтау мерзімі – 12 ай.

Жарамдылық мерзімі өткеннен кейін қолдануға болмайды.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Шығарылу түрі және қаптамасы

15 мл препараттан бүріккіш клапаны бар полиэтилен құтыға салынған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Дәріханалардан босатылу шарттары

Рецептісіз

Өндіруші туралы мәлімет

Famar Health Care Services Madrid S.A.U

Проспект Леганес 62, Алькоркон,

28923 Мадрид, Испания

телефон: +34 913 07 3000

телефакс: +34 913 07 3496

e-mail: info@famar.eu

Тіркеу куәлігінің ұстаушысы

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

телефон: + 49 6101 603-0

телефакс: + 49 6101 603-259

эл. пошта: info@stada.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды)қабылдайтын және дәрілік заттың тіркеуден кейінгі қауіпсіздігін қадағалауға ұйымның атауы, мекенжайы және байланыс деректері (телефон, факс, электронды пошта)

«ЕҰ «Нижфарм-Қазақстан» ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: (727) 2222-100

факс: (727) 398-64-95

e-mail: almaty@stada.kz

Қалалар