Сомазин 1000 мг, 4 мл, №5, амп.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Сомазин 1000 мг, 4 мл, №5, амп.

Қолжетімділігі
Тауар қолда жоқ
Үлгі
8433042018122
Елі
Испания
Өндіруші
Феррер Интернасьональ С.А
  • Сипаттама

Сипаттама

Дәрілік затты медициналық қолдану жөніндегі нұсқаулық

СОМАЗИНА®

Саудалық атауы

Сомазина®

Халықаралық патенттелмеген атауы

Цитиколин

Дәрілік түрі

Бұлшықет ішіне және вена ішіне енгізуге арналған ерітінді 500 мг және 1000 мг

Құрамы

4 мл ерітіндінің құрамында

белсенді зат –522.5 мг және 1045.0 мг натрий цитиколині

(цитиколин негізіне баламалы 500.0 және 1000.0),

қосымша заттар: 1 М хлорсутек қышқылы немесе 1 М натрий гидроксиді ерітіндісі, инъекцияға арналған су

Сипаттамасы

Мөлдір, түссіз, иіссіз сұйықтық

Фармакотерапиялық тобы

Психостимуляторлар және басқа ноотроптар. Цитиколин.

АТХ коды N06BX06

Фармакологиялық қасиеттері

Фармакокинетикасы

Цитиколин толығымен дерлік сіңеді, дозасының 1%-дан азы қабылдағаннан кейін 5 күн бойы нәжісте анықталады. Бауыр мен ішектегі метаболизмінің әсерінен, қан плазмасында сәйкесінше 1 және 24 сағаттан соң радиоактивтілігінің екі шегі байқалады. Препараттың радиоактивті таңбаланған үлгілерді пайдаланып жүргізілген биожетімділігін зерттеу итиколиннің ішке қабылдағандағы және парентеральді енгізгендегі биожетімділігі бірдей дерлік екенін көрсетті.

Бауырда метаболизденеді. Шығарылуы өте баяу, негізінен тыныс жолдары арқылы және метаболиттер түрінде және өзгеріссіз күйде несеппен шығарылады (16%).

Фармакодинамикасы

Цитиколин нейрондар жарғақшаларының құрылымдық фосфолипидтерінің биосинтезін көтермелейді. Мұндай әсер етуі арқылы цитиколин иондық сорғылар мен рецепторлар сияқты жарғақшалық құрылымдардың қызметін жақсартады, олардың реттелуінсіз жүйке импульстерін қалыпты жүргізу мүмкін емес.

Жарғақшаны тұрақтандырғыш әсерінің арқасында, цитиколин ісінуге қарсы қасиетін көрсетеді және ми ісінуін азайтады.

Цитиколин бассүйек-ми жарақаты және ми қанайналымының жедел бұзылуы сияқты түрлі патологиялық үдерістер салдарынан болған церебральді қызметтің бұзылу жағдайларымен байланысты симптомдардың айқындығын әлсіретеді. Цитиколин амнезия деңгейін, аталған патологиямен байланысты когнитивті, сенситивті және моторлық бұзылыстардың пайда болуын төмендетеді.

Клиникалық зерттеулер цитиколиннің шығу тегі дегенеративті церебральді патологиямен байланысты когнитивті, моторлық және нейропсихологиялық бұзылыстарды емдеудегі тиімділігін көрсетті.

Қолданылуы

- жедел кезеңдегі және реабилитация кезеңіндегі ми қанайналымының бұзылуларында

- бассүйек ми жарақаттары мен олардың салдарында

- шығу тегі дегенеративті немесе тамырлық церебральді патологиямен байланысты когнитивті, сенситивті, моторлық және нейропсихологиялық бұзылыстарда.

Қолдану тәсілі

Жағдайының ауырлығына байланысты тәулігіне 500 мг-ден 2000 мг-ге дейін (4.0 мл немесе 8.0 мл-ден).

Препаратты бұлшықет ішіне, вена ішіне 3-5 минут бойы баяу немесе вена ішіне тамшылатып енгізуге болады, енгізілу жылдамдығы минутына 40 – 60 тамшы.

Сомазина® препараты 0,9% натрий хлориді ерітіндісімен, сондай-ақ глюкозаның гипертониялық ерітіндісімен үйлесімді.

Емдеу ұзақтығы аурудың ауырлық дәрежесіне тәуелді және емдеуші дәрігер анықтайды.

Жағымсыз әсерлері

Болуы мүмкін, бірақ тәжірибеде кездеспеген:

- елестеулер

- бас ауыруы және бас айналуы

- артериялық гипертензия және гипотензия, ентігу

- қызару, есекжем, экзантема

- жүрек айнуы, құсу, диарея

- қалтырау, ісіну

Қолдануға болмайтын жағдайлар

- препарат компоненттеріне аллергиялық реакция

- парасимпатикалық жүйке жүйесінің тонусы жоғары пациенттер (кезбе жүйке)

- жүктілік және лактация кезеңі

- балалар мен 18 жасқа дейінгі жасөспірімдер

Дәрілермен өзара әрекеттесуі

Құрамында меклофеноксат бар (meclofenoxate) препараттармен бір мезгілде қолданылмауы тиіс. Леводопаның әсерін күшейтеді.

Айрықша нұсқаулар

Тұрақты бассүйекішілік қан кету жағдайында препаратты өте баяу (минутына 30 тамшы) венаішілік инфузия түрінде енгізужәне бір күндік 1000 мг дозасын асырмау ұсынылады.

Егде жастағы пациент үшін дозасын түзету қажет емес.

Дәрілік заттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Препарат уыттылығының төмендігін ескерсек, тіпті емдік дозасы кездейсоқ асырылған жағдайда да улану ықтималдығы төмен.

Емі: симптоматикалық ем.

Шығарылу түрі мен қаптамасы

4 мл препараттан түссіз шыны ампулада.

5 ампуладан ПВХ-дан жасалған пішінді ұяшықты қаптамаға салады және 1 пішінді қаптамадан мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынады.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Феррер Интернасиональ, С.А.,

Гран Виа Карлос III, 94, 08028 Барселона, Испания.

Тіркеу куәлігінің иесі

Феррер Интернасиональ, С.А.,

Гран Виа Карлос III, 94, 08028 Барселона, Испания.

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Феррер Казахстан» ЖШС

050026. Алматы қ., Мұқанов к-сі, 113 үй,

301 кеңсе. тел: 3565810