ТераФлю порошок со вкусом лимона № 10 пакетики
Тауарлардың көрінісі фотосуретте көрсетілгеннен өзгеше болуы мүмкін

ТераФлю порошок со вкусом лимона № 10 пакетики

Қолжетімділігі
Тауар қолда жоқ
Үлгі
4607045191357
Елі
Швейцария
Өндіруші
Novartis Consumer Health
  • Сипаттама

Сипаттама

Дәрілік затты медициналық қолдану

жөніндегі нұсқаулық

ТераФлю суық тиюден және тұмаудан

Саудалық атауы

ТераФлю, суық тиюден және тұмаудан

Халықаралық патенттелмеген атауы

Жоқ

Дәрілік түрі

Ішке қабылдау үшiн ерiтiндi дайындауға арналған дозаланған ұнтақ

Құрамы

Бір пакеттің ішінде

белсенді заттар: 325 мг парацетамол,

20 мг фенирамин малеаты,

10 мг фенилэфрин гидрохлориді,

50 мг аскорбин қышқылы,

қосымша заттар: натрий цитраты дигидраты, алма қышқылы, хинолинді сары (Е104), «Күн батар түстес» сары (Е110), сахароза, титанның қостотығы (Е171), лимон хош иістендіргіші 3201, кальций үш негізді фосфат, сусыз лимон қышқылы.

Сипаттамасы

Ірі дәнді, сусымалы, цитрус иісті сары теңбілдері бар түйіршіктелген ақ ұнтақ. Ішінде жұмсақ кесектердің болуына жол беріледі.

Фармакотерапиялық тобы

Жүйке жүйесі. Анальгетиктер. Басқа анальгетик-антипиретиктер. Анилидтер. Парацетамол, біріктірілімдер, психолептиктерді қоспағанда.

АТХ коды N02 ВЕ51

Фармакологиялық қасиеттері

Фармакокинетика

Парацетамол – асқазан-ішек жолынан жылдам және іс жүзінде толық сіңіріледі. Ең жоғарғы концентрациясына жету уақыты 30-60 мин. Емдік концентрацияларда плазма ақуыздарымен байланысы мардымсыз. Парацетамол бауырда метаболизденеді, оның үлкен бөлігі белсенді емес метаболиттер түзе отырып глюкурон қышқылымен және сульфаттармен конъюгация реакциясына түседі және сульфатты және глюкуронды конъюгаттар түрінде несеппен шығарылады. Жартылай шығарылу уақыты – 1-3 сағат. Парацетамол фетоплацентарлық бөгет арқылы өтеді және аздаған мөлшерде емшек сүтімен бөлініп шығады.

Фенирамин малеаты Плазмадағы ең жоғарғы концентрацияға 1-2,5 сағаттан соң жетеді, жартылай шығарылу уақыты - 16-19 сағат. 70-83 % доза өзгермеген күйде немесе метаболиттер түрінде несеппен бөлініп шығады.

Фенилэфрин гидрохлориді асқазан-ішек жолынан әркелкі сіңіріледі және ішекте және бауырда моноаминооксидазамен бастапқы метаболизмге ұшырайды. Осылайша, фенилэфрин гидрохлоридін пероральді қабылдағанда биожетімділігі төмен (40% жуық), қан плазмасындағы ең жоғарғы концентрацияларға 1-2 сағаттан соң жетеді. Сульфат түрінде несеппен шығарылады.

Аскорбин қышқылы асқазан-ішек жолынан жақсы сіңіріледі, плазма ақуыздарымен байланысы 25 %, организм тіндеріндегі таралуы кең. Бауырда метаболизденеді, оксалат түрінде немесе өзгермеген күйде несеппен шығарылады. Шамадан тыс мөлшерде қабылданған аскорбин қышқылы несеппен шығарылады.

Фармакодинамикасы

Біріктірілген препарат, ыстық түсіретін, қабынуға қарсы, ісінуге қарсы, ауыруды басатын, аллергияға қарсы әсерге ие.

Парацетамол – анальгетик-антипиретик. Гипоталамуста простагландиндер синтезін бәсеңдету жолымен ауыруды басатын және ыстық түсіретін әсерге ие. Қабынуға қарсы айқын әсері жоқ және гемостазға ықпал етпейді және асқазан-ішек жолының шырышын тітіркендірмейді.

Фенирамин малеаты антигистаминді дәрі (H1-рецепторлардың антагонисі) болып табылады, антихолинергиялық қасиеттерге ие. Аллергияға қарсы белсенділікке ие, ұйықтататын және седативті әсер көрсетеді.

Фенилэфрин гидрохлориді өзінің әсер ету механизмі бойынша тікелей α-адреномиметик болып табылады. α-адренорецепторларға әсер ету арқылы мұрынның шырышты қабығында артериолалардың тарылуын туындатады, осылайша ісіну мен шырышты жоюға, ринореяның, мұрын бітелуін төмендеуіне және мұрынмен тыныс алуды қалпына келтіруге ықпал етеді.

Аскорбин қышқылы (C дәрумені) суық тию және тұмау ауруларында С дәруменіне қатты қажеттіліктің орнын толтырады.

Қолданылуы

- ересектердегі тұмау мен суық тиюді қысқа мерзімді симптоматикалық емдеуде

Қолдану тәсілі және дозалары

Ересектер (егде жасты қоса): ішке. Қайнаған 1 стақан ыстық суға бір пакетшенің ішіндегісін еріту қажет. Ыстық күйінде ішу керек. Қажеттілігіне қарай қант қосуға болады.

Әр 4-6 сағат сайын (24 сағат ішінде 3 дозадан асырмай) дозаны қайталап қабылдауға болады. Қабылдаулар арасындағы ең төменгі аралық – 4 сағат.

Суық тию мен тұмауға қарсы ТераФлюді тәуліктің кез-келген мезгілінде қолдануға болады, бірақ препаратты ұйықтар алдында, түнге қабылдау ең жақсы тиімділік береді. Егер препаратты қабылдауды бастағаннан кейін 3 күн ішінде симптомдарының жеңілдеуі байқалмаса, дәрігерге қаралу қажет.

Бүйрек функциясы бұзылған пациенттерде қабылдаулар арасындағы ең төменгі аралық: креатинин клиренсі 50 мл/мин және одан жоғары болғанда – 4 сағат, 30-50 мл/мин – 6 сағат.

Жағымсыз әсерлері

Жиі (≥ 1/100 <1/10 дейін)

- ұйқышылдық

- жүрек айнуы, құсу

Кейде (≥ 1/1000 <1/100 дейін)

- терідегі эритематоздық немесе уртикарлық бөртпелер, гиперемия

Сирек ( ≥ 1/10000 <1/1000 дейін)

- тромбоцитопения (аллергияға негізделген, геморрагия немесе қан кету аясында), лейкопения, агранулоцитоз, нейтропения, панцитопения, гемолиздік анемия)

- аллергиялық реакциялар (есекжем, терінің қышуы, ангионевроздық ісіну, ентігу, бронх түйілуі, тершеңдік, жүрек айнуы, шокқа дейін баратын артериялық қысымның төмендеуі)

- бас ауыруы

- психомоторлық реакциялар жылдамдығының төмендеуі

- қатты қозғыштық

- ұйқының бұзылуы

- тахикардия, жиі жүрек қағуы, артериялық қысымның жоғарылауы

- ауыздың құрғауы, іш қатуы, диарея, іш кебуі

- бауыр ферменттері деңгейінің жоғарылауы

Өте сирек (<1/10000) немесе жиілігі белгісіз

- бронх демікпесінің ұстамалары («аспириндік» демікпе аясында)

- анафилаксиялық реакциялар (Стивенс-Джонсон синдром немесе уытты эпидермальді некролиз сияқты)

Қолдануға болмайтын жағдайлар

- препараттың жеке компоненттеріне жоғары сезімталдық

- жүрек-қантамыр ауруларының ауыр дәрежесі

- туа біткен гипербилирубинемия (Жильбер синдромы)

- артериялық гипертензия

- бауыр функциясының ауыр бұзылуы (бауыр циррозы, асцит), жедел гепатит

- бүйрек функциясының ауыр бұзылуы, бүйрек жеткіліксіздігі (креатинин клиренсі <30 мл/мин)

- феохромоцитома

- гипертиреоз

- жабық бұрышты глаукома

- қуық асты безінің аденомасы кезіндегі несеп шығарудың қиындауы

- алкогольді шамадан тыс пайдалану

- бета-блокаторларды, симпатомиметиктерді немесе трициклдық антидепрессанттарды бір уақытта қабылдау

- моноаминооксидаза (МАО) тежегіштерін бір уақытта немесе аз уақыт бұрын ( 2 апта ішінде) тоқтатылған қабылдау

- гемолиздік анемия

- эпилепсия

- жүктілік, емшек емізу кезеңі

- балалар мен 18 жасқа дейінгі жасөспірімдер.

Дәрілермен өзара әрекеттесуі

Парацетамол

Парацетамолдың гепатоуытты әсерінің қаупі барбитураттар, фенитоин, изониазид, карбамазепин, рифампицин, зидовудин және микросомальді бауыр ферменттерінің басқа индукторларын бір уақытта тағайындағанда жоғарылайды. Метоклопрамид және домперидон парацетамолдың сіңіргіштігін жоғарылатады, ал колестирамин төмендетеді. Парацетамол хлорамфениколдың (левомицетиннің) жартылай ыдырау жылдамдығын төмендетеді.

Парацетамол ламотриджин белсенділігін төмендетуі және оның әсерін қысқартуы мүмкін. Ұзақ мерзім тұрақты қабылдағанда парацетамол қан кету қаупін жоғарылата отырып, варфариннің антикоагуляциялық әсерін күшейтеді. Тұрақты емес қабылдау мұндай әсер етпейді.

Парацетамол мен қабынуға қарсы стероидты емес препараттарды (ҚҚСП) бір уақытта қабылдау ҚҚСП туындатқан бүйректің жағымсыз әсерлерін потенциальді ұлғайтуы мүмкін.

Фенилэфрин

Фенилэферин артериялық әсердің жоғарылау немесе жүрек-қантамыр жүйесі тарапынан болатын басқа да жағымсыз реакциялар қаупін ұлғайта отырып, моноаминооксидаза тежегіштерімен, α және β-блокаторлармен, бронхолитикалық адреномиметиктермен, трициклдық антидепрессанттармен, гуанетидинмен, дигоксинмен, индометацинмен, метилдопамен, дебризохинмен, резерпинмен, ОЖЖ стимуляторларымен жағымсыз өзара әрекеттесуі мүмкін.

Қастауыш алкалоидтарымен (эрготамин, метисергид) бір уақытта қолдану эрготизм қаупін арттыруы мүмкін.

Фенирамин

Фенирамин орталық жүйке жүйесін бәсеңдететін препараттардың (МАО тежегештері, трициклдық антидепрессанттар, алкоголь, антипаркинсондық препараттар, барбитураттар, транквилизаторлар және нейролептиктер) әсерін күшейтуі мүмкін.

Фенирамин антикоагулянттардың тиімділігін төмендетеді.

Айрықша нұсқаулар

Препаратты қабылдау алдында мына жағдайларда дәрігермен кеңесу керек:

- бауыр және/немесе бүйрек жеткіліксіздігі

- туа біткен глюкоза-6-фосфатдегидрогеназа тапшылығы

- бауыр ферменттерін индукциялайтын препараттарды бір уақытта қабылдау («Дәрілермен өзара әрекеттесуі» бөл.қар.)

- жүрек-қантамыр жүйесі аурулары

- стеноздайтын пептидтік ойықжара ауруы, пилородуоденальді стеноз

- қант диабеті (1 пакеттің ішінде 20 г жуық қант бар)

- қайталанатын несеп-тас ауруы.

Бүлінген пакеттердегі дәріні пайдаланбау керек, ұсынылған дозасынан арттыруға және препаратты 3 күннен артық қабылдауға болмайды.

Бауырдың уытты зақымдануын болдырмау мақсатында препаратты алкогольді ішімдіктермен бірге қолданбау керек.

Ұзақ уақыт бойы парацетамолдың жоғары дозалары қабылданғанда қайтымсыз бауыр жеткіліксіздігімен анальгетикалық нефропатия туындауы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау кезінде автокөлік немесе басқа механизмдерді басқару ұсынылмайды, өйткені препарат транквилизаторлар мен тыныштандыратын дәрілерді енгізген кезде күшейетін ұйқышылдықты тудыруы мүмкін.

Артық дозалануы

Суық тиюге және тұмауға қарсы ТераФлюмен артық дозалану жағдайында симптомдар әдетте, парацетамолдың артық дозалануына негізделеді.

Парацетамол

Жедел артық дозалану ересектерде 7,5-10 г парацетамол және балаларда дене салмағының 140-200 мг/кг қабылдағанда туындайды. Артық дозалану қаупі егде пациенттерде, балаларда, бауыр ауруы бар пациенттерде, алкогольді созылмалы шамадан тыс қабылдау кезінде, толық тамақтанбағанда немесе бауыр ферменттерін индукциялайтын препараттарды бір уақытта қабылдағанда жоғары.

Симптомдары: жүрек айнуы, құсу, эпигастральді аумақтың ауыруы, тәбет болмауы, әлсіздік, тері жабынының бозаруы, тершеңдік. 2-3 тәулікте бауыр жеткіліксіздігі дамуы мүмкін. Жедел бүйрек жеткіліксіздігі бауырдың ауыр зақымдануынсыз дамуы мүмкін.Жүрек ырғағының бұзылуы мен панкреатит болуы мүмкін. Ауыр жағдайларда бауыр жеткіліксіздігі, энцефалопатия және коматоздық жағдай дамиды.

Емі: асқазанды шаю (артық дозаланудан кейінгі алғашқы 1-2 сағат ішінде ғана дұрыс), белсендірілген көмір. Спецификалық антидоттар – метионин және N-ацетилцистеин қолдануға болады. Симптоматикалық ем.

Фенирамин және фенилэфрин

Симптомдары: ұйқышылдық, мелшию (әсіресе балаларда), көрудің нашарлауы, тері бөртпесі, жүрек айнуы, құсу, бас ауыруы, қан айналымының бұзылуы, құрысулар, артериялық қысымның жоғарылауы, брадикардия, кома.

Емі: симптоматикалық. Спецификалық антидоты жоқ.

Шығарылу түрі және қаптамасы

Ұнтақты біріктірілген материалдан (қағаз/полиэтилентерефталат/ тығыздығы төмен полиэтилен/алюминий фольга/ тығыздығы төмен полиэтилен) немесе (полиэтилентерефталат/ тығыздығы төмен полиэтилен/алюминий фольга/ тығыздығы төмен полиэтилен) жасалған пакеттерге салынады.

10 пакеттен медициналық қолдану жөніндегі мемлекеттік және орыс тілдеріндегінұсқаулықпен бірге картон қорапшаға салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Дәріханалардан босатылу шарттары

Рецептісіз

Өндіруші

Delpharm Orleans

Орлеан, Франция

Тіркеу куәлігі ұстаушысының атауы мен елі

GSK Consumer Healthcare S.A., Швейцария

Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі қадағалауға жауапты ұйымныңатауы, мекенжайы және байланыс деректері

«ГСК КХ КАЗАХСТАН» ЖШС, Алматы қ-сы, Манас к-сі, 32А.,

тел. +7 (727) 2446999,

факс +7(727) 2446997.

kz.safety@gsk.com