Сипаттама
Дәрілік затты медициналық қолдану жөніндегі
НҰСҚАУЛЫҚ
Тонзилгон® Н
Саудалық атауы
Тонзилгон® Н
Халықаралық патенттелмеген атауы
Жоқ
Дәрілік түрі
Қабықпен қапталған таблеткалар
Құрамы
Бір таблетканың құрамында
белсенді заттар:
ұнтақ түрінде
жалбызтікен тамыры 8 мг
түймедақ гүлдері 6 мг
қырықбуын шөбі 10 мг
грек жаңғағының жапырақтары12 мг
мыңжапырақ шөбі 4 мг
емен қабығы 4 мг
дәрілік бақ-бақ шөбі 4 мг
қосымша заттар:
таблеткалар ядросы: лактоза моногидраты, жүгері крахмалы, картоп крахмалы, стеарин қышқылы, глюкоза моногидраты, сусыз коллоидты кремнийдің қостотығы;
таблеткалар қабығы: кальций карбонаты, майсана майы, глюкоза шәрбаты, сахароза, индиготин (Е 132), жүгері крахмалы, декстрин, монтан гликол балауызы, повидон К 25, повидон К 30, сусыз коллоидты кремнийдің қостотығы, шеллак, тальк, титанның қостотығы (Е 171).
Сипаттамасы
Дөңгелек, екі жақ беті дөңес, тегіс беткейлі ашық-көгілдір түсті қабықпен қапталған таблеткалар
Фармакотерапиялық тобы
Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.
АТХ коды R02АА20
Фармакологиялық қасиеттері
Фармакокинетикасы
Белсенді заттарының бәрі бірдей толық зерттелмегендіктен, фармакокинетикасы мен биожетімділігіне зерттеулер жүргізілмеген.
Фармакодинамикасы
Тонзилгон® Н иммуномодулятор белсенділігін иеленіп, фагоциттер мен киллерлердің табиғи жасушаларының пайызын арттырады. Бұдан басқа, қабынуға қарсы және антиоксиданттық белсенділік көріністелген.
Тонзилгон® Н бактерияға қарсы және вирусқа қарсы әсерлері пневмококктар (S. Pneumoniae) және респираторлық-синцитиальді вирустар мөлшерінің төмендеуімен де көрініс берді. Осы бактериялар мен вирустар штаммдары респираторлық инфекциялардың туындауына себеп бола алады.
Қолданылуы
- жоғарғы тыныс жолдарының жедел және созылмалы ауруларының (тонзиллит, фарингит, ларингит) профилактикасы және емдеу
- организмнің қорғаныс күштерінің төмендеуінен болатын респираторлық вирустық инфекциялардың профилактикасы және емдеу
Қолдану тәсілі және дозалары
Жедел ауруларда
Ересектер күніне 5-6 рет 2 таблеткадан қабылдайды.
Жедел симптомдардың жойылуынан кейін
Ересектер күніне 3 рет 2 таблеткадан қабылдайды.
Жедел симптомдардың жойылуынан кейін емдеуді кемінде бір апта бойы жалғастырған жөн.
Таблеткаларды шайнамай және аздаған су мөлшерімен іше отырып, бүтіндей жұтады.
Бүйрек және/немесе бауыр дисфункциясында спецификалық дозалау ұсынымдары үшін деректер жеткіліксіз.
Препаратты дәрігермен кеңесусіз қатарынан 2 аптадан артық қабылдауға болмайды.
Жағымсыз әсерлері
болуы мүмкін:
- асқазан-ішек жолының бұзылыстары (ауыру, жүрек айну, құсу)
- препарат компоненттеріне аллергиялық реакциялар (тері бөртпесі, қышыну, есекжем, ентігу сияқты).
Қандай да бір жағымсыз реакциялар туындағанда препаратты қолдануды тоқтатып, міндетті түрде дәрігерге қаралу керек.
Қолдануға болмайтын жағдайлар
- дәрілік препарат компоненттерінің қандай да біріне жекеше жоғары сезімталдық;
- түймедақ гүлдеріне айқаспалы деп аталатын реакциялар салдарынан болатын күрделі тұқымдас гүлдер өсімдіктеріне, мысалы, жусан, мыңжапырақ, бақытгүл, дәстүргүлге белгілі аллергия;
- тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза жақпаушылығы немесе сахараза-изомальтаза жеткіліксіздігі бар пациенттер;
- 18 жасқа дейінгі балаларға
Дәрілермен өзара әрекеттесуі
Бактерияға қарсы дәрілік заттармен біріктіру мүмкіндігі бар және ол мақсатқа сай. Басқа дәрілік заттармен өзара әрекеттесуі белгісіз.
Айрықша нұсқаулар
Тонзилгон® Н құрамында глюкоза, сахароза және лактоза бар. Тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза жақпаушылығы немесе сахараза-изомальтаза жеткіліксіздігі бар пациенттер препаратты қолданбауы тиіс.
Егер симптомдар басылмаса немесе ентігу, қызба, іріңді немесе қан аралас қақырық білінсе, дәрігермен кеңесіңіз.
Қант диабетімен науқастарда қолдану
1 таблеткасы шамамен 0,02 нан бірлігіне (НБ) баламалы.
Жүктілік және лактация кезеңі
Жүктілік және бала емізу кезеңіндегі жеткілікті деректерінің болмауына орай, препаратты тек емдеуші дәрігер және пайда-қауіп арақатынасын мұқият бағалаудан кейін тағайындай алады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлікті басқару және аса қауіпті механизмдермен жұмыс істеу қабілетіне әсер етпейді.
Артық дозалануы
Артық дозалану жағдайлары хабарланбаған.
Симптоматикалық емдеу.
Шығарылу түрі және қаптамасы
Алюминий фольгадан және ПВХ/ПВДХ үлбірінен жасалған пішінді ұяшықты қаптамада қабықпен қапталған 25 таблеткадан.
Пішінді ұяшықты 2 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау шарттары
Түпнұсқалық қаптамасында, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
«Бионорика СЕ», Германия
Тіркеу куәлігінің ұстаушысы
«Бионорика СЕ», Германия
Қазақстан Республикасы аумағында тұтынушылардан дәрілік заттар сапасы жөнінде шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Бионорика ҚАЗ» ЖШС
ҚР 050060 Алматы қ., Жароков к-сі 331, тел.: 250-93-99
e-mail:info@bionorica.kz
